Fjalët e qiririt

Naim Frashëri

...

Unë zjarrit nuk i druhem

Dhe kurrë s'dua të shuhem,

Po të digjem me dëshirë,

Sa të mund të ndrit më mirë.

Kur më shihni që jam tretur,

Mos pandehni se kam vdekur.

Jam i gjallë e jam në jetë,

Jam në dritë të vërtetë

Unë jam në Shpirtit tuaj,

Mos më kini për të huaj,

Më është falur durimi,

Andaj po digjem si trimi,

Sa me ka ënda t'ju bëj mirë,

Të mos mbeti në errësirë...