Koleksion i pazakontë i Marlene Dietrich në ankand

Është një koleksion i pazakontë, që ka një objekt në formë zogu, një kostum dopiopet dhe një letër dashurie të shkruar nga Ernest Heminguei.

Dhe çfarë kanë ato të përbashkët? E para, po shiten në ankand dhe e dyta, ato i takonin njërës prej aktoreve ikona të Hollivudit, Marlene Dietrich.

Nipi i saj J.David Riva i ka vënë objektet për shitje në Muzeun e Hollivudit në Los Angeles dhe ankandi do të vazhdojë deri më 6 prill. Shumë nga objektet janë të vogla, si për shembull orë, argjenduri dhe çakmakë të modës së vjetër.

Por ajo që ka ngjallur më shumë interes është një letër nga autori i famshëm Ernest Heminguei, ku ai jep disa këshilla me humor dhe ndoshta edhe pak të tepruara për një shfaqje të saj në Las Vegas.

Lexo më shumë

Risitë në Gjuhen Shqipe: Shumësi i teatrit, teatra dhe i draprit, drapra

Shumësi i fjalëve teatër e kuadër nuk do të jetë te atro e kuadro por teatra e kuadra. Ky ka qenë një ndër vendimet e Këshillit Ndërakademik për Gjuhën Shqipe në mbledhjen e fundit, mbajtur në Prishtinë më 14 mars. Përmes një njoftimi, kryesia e këshillit që përbëhet nga akademikë të Prishtinës e Tiranës, ka njoftuar vendimet e saj më të fundit, që për shkak se nuk janë të zbatueshme mbasi nuk dalin dot mbi vendimet e Kongresit të Drejtshkrimit (1972), quhen përfundime. 

Mbledhja u mbajt nën drejtimin e akad. Rexhep Ismajlit dhe akad. Jani Thomait (bashkëkryetarë), me pjesëmarrjen e akad. Besim Bokshit, akad. Ethem Likajt, akad. Kolec Topallit, akad. Gjovalin Shkurtajt, prof. dr. Shezai Rrokajt, prof. dr. Mehmet Çelikut, prof. dr. Seit Mansakut, prof. dr. Enver Hysës, prof. dr. Tomor Osmanit, prof. dr. Imri Badallajt, prof. dr. Shefkije Islamajt, ligjërues Isa Bajçincës, prof. dr. Bardh Rugovës, prof. dr. Rrahman Paçarrizit dhe prof. dr. Abdullah Zymberit. 

Sipas njoftimit, diskutimet janë zhvilluar në tri seanca e nëse në fillim u shqyrtuan disa çështje të drejtshkrimit që kishin mbetur pa u diskutuar në mbledhjet e mëparshme, më vonë u fol për çështje të tjera të morfologjisë. Më poshtë, disa prej vendimeve. 

Shkronja e madhe 

Sa i takon përdorimit të shkronjës së madhe dhe drejtshkrimit të emrave të vendeve u propozuan këto përfundime: Emërtimet e institucioneve e të titullarëve të institucioneve, kur paraqesin nomenklaturë zyrtare, të shkruhen me shkronjë të madhe. 

Ndërkaq, sa i takon shkrimit të toponimeve vendëse, sipas akademikëve, duhet të respektohet forma e emërtimit vendës, si dhe të shmangen variacionet fonetike nëndialektore (p.sh. Lushnje), ndërsa emrat e vendeve në harta dhe në shenja rrugore të shënohen në trajtën e shquar, ndryshe nga ç'bëhet tani. Në hartë shkruhet Tiranë, Shkodër, Elbasan, dhe sipas vendimit duhet të bëhet Tirana, Shkodra, Elbasani. 

Tek emrat gjeografikë me dy a më shumë gjymtyrë (liqeni i Shkodrës) do të shkruhet me të madhe secila nga fjalët, ndërsa deri tani liqeni shkruhej me të madhe vetëm nëse ishte në fillim të fjalisë dhe jo në mes të saj. 

Drejtshkrimi 

Në fushën e drejtshkrimit akademikët kanë propozuar që të saktësohet edhe drejtshkrimi i disa fjalëve të tjera, që janë diskutuar edhe më herët. Sipas vendimit të fundit do të vijohet në këtë mënyrë: 

Tek emrat me fundjen -një e -nje të mbeten në përdorim të lirë të dyja variantet (foshnje/foshnjë, vishnje/vishnjë etj.); Etnikët me prejardhje nga gjuha shqipe të shkruhen me prapashtesën -j- (-jan):(matjan, lezhjan), ndërsa etnikët me prejardhje të huaj, që në temë kanë -i-, të vijojnë të shkruhen me -ian (bolivian). 

Ndërkaq, fjalët me prejardhje të huaj, që i takojnë terminologjisë tekniko-shkencore, të ruajnë shkrimin me -ie (materie); fjalët e tipit tramvaj, hokej, koktej etj. të shkruhen me -j, ndërsa fjalët angjin dhe gjips të shkruhen me g: anginë dhe gips. 

Shumësat 

Sa i takon fushës së morfologjisë, propozimet janë bërë për disa fjalë e raste të veçanta. Përfundimet e akademikëve, po i vëmë të plota: Shumësi i emrave të tipit teatër, kabllo, kuadër, të bëhet teatra, kablla, kuadra, rrjedhimisht njëjësi: teatër, kabëll, kuadër; shumësi i emrit xham të mbetet xhama; të ngrihen në normë ngjashëm me pus - pusa (si variant i lirë me trajtën pus - puse), stof - stofra, grusht - grushta/grushte, çengel - çengelë/çengela, gisht - gishta/gishtërinj; shumësi antigaz të jetëantigaze/antigazra, fishekzjarr - fishekzjarre; të ruhen të dy trajtat për autobus - autobusë/autobusa, ftiziatër - ftiziatër/ftiziatra, drapër - drapra/draprinj, barbun - barbunj/barbunë. 

Po ashtu, trajtat e mbiemrit i shkurtër dhe i shkurtë të mbeten variante të lira në të dyja format, propozojnë akademikët gjuhëtarë, ashtu sikundër propozojnë që tek foljet e tipit ik, ec, hip, në vetën e dytë e të tretë të njëjësit të hiqet mbaresa -ën dhe të bëhen pra: ai ik, ai hip, ai ec dhe jo ai ikën, hipën, ecën. 

Ndajfoljet me prapashtesa -as/-azi të tipit barkas/barkazi, haptas /haptazi etj. të jenë në përdorim të lirë.
Në fund, u propozua që për mbledhjen e radhës të merren në shqyrtim materialet e përgatitura nga grupet për çështje të sintaksës dhe njëherësh u kërkua nga grupet që për çështje të gjuhës në shkollë të bëjnë gati për diskutim propozimet e tyre

Lexo më shumë

Alo, Urime 130 vjetori

Dita e sotme ka shënuar një ngjarje tepër të vecantë, thirrjen e parë telefonike në distancë, e realizuar këtu e 130 vjetë më parë. Thirrja e parë telefonike në distancë në mes të Bostonit dhe Neë York është bërë pikërisht më 27 mars të vitit të largët 1884.

Vetëm tetë vjet pas zbulimit të telefonit nga Alexandar Graham Bell, u inaugurua linja e parë telefonike që lidhte qytetin Boston me atë të Nju Jorkut në Shtetet e Bashkuara të Amerikës.

Vetëm dy vite pas zbulimit të telefonit, në vitin 1878, për herë të parë në Shtëpinë e Bardhë në Ëashington ishte vendosur linja telefonike, kurse ‘thirrja e parë zyrtare’ ishte biseda simbolike e, atëbotë Presidentit të SHBA-ve,, Rutherford B. Hayes dhe Alexander Graham Bel.

Asokohe thirrja telefonike në distancë kushtonte nga dy dollar, nëse bëhej gjatë ditës, dhe një dollar për bisedat telefonike në orët e natës.

Pas linjës Botson Njujork (1884) SHBA-të inauguruan edhe linjën telefonike mes Nju Jorkut e Filadelfisë (1885), Atlantës e Chicagos (1890) si dhe linjën mes Nju Jorkut e Chicagos (1892). Inaugurimin e këtyre linjave e bëri personalisht shpikësi I telefonit, Alexandar Graham Bell.

Lexo më shumë

Kush do të ‘hyjë në pazarë’ për të blerë Manchester UTD?

 Një gjeneratë e futbollistëve kulmorë që kanë defiluar te skuadra e Mancheester UTD ndër vite, ‘ia kanë mësy’ të marrin kntrollin e skuadrës nga familja “Galzer”.

Sipas raporteve të fundit emrat si David Beckham, Paul Scoles, Ryan Gigs, Nicky Butt dhe vëllezërit Neëille, janë duke shqyrtuar mundësitë e blerjes së aksioneve të skuadrës , e cila I ngriti në piedestalin më të lartë duke u bërë vend meritor tek emrat eminent të futbollit botërorë. Iniciator i kësaj strategjie është vet ylli i futbollit, David Beckahm, i cili mësohet se po tenton të bëjë një mërrëveshje me klasën e famshme të viteve nëntëdhjeta. Aktualisht 38 –vjeqari, ‘i pensionuar’ nga loja active si futbollist, David beckham ka krijuar Akademinë e futbollit në Londren Lindore që nga viti 2005.

Lexo më shumë

Mesazhi në ditën botërore të teatrit - Duajeni dhe vizitojeni teatrin!

Duke bërë teatër, mësohemi të shohim atë që është e dukshme por që nuk e shohim sepse nuk kemi shprehi për ta parë. Ajo që është përditshmëri mbetet e paparë për ne. Të bëhet teatër do të thotë të hidhet dritë në skenën e përditshmërisë sonë.

Kjo është pjesë e porosisë ndërkombëtare me rastin e 27 marsit, Ditës botërore të teatrit, të cilën këtë vit e ka shkruar regjisori i njohur brazilian i teatrit, shkrimtar dramturg dhe politikan, Augusto Boal.

"Kur shohim më më larg nga sipërfaqësorja, shohim tiranë dhe të tiranizuar në të gjitha shoqëritë, në bashkësitë etnike, tek gjinitë, klasat dhe kastet. Shohim një botë të padrejtë dhe të ashpër. Duhet të krijojmë një botë ndryshe, sepse e dimë se kjo është e mundur. Neve na është dhënë privilegji të krijojmë botë tjetër me duartë tona, në skenë dhe në jetë", thekson Boal.

27 Marsi është vendosur si Ditë Botërore e Teatrit në vitin 1962 dhe sot shënohet në qindra vende nga institute kombëtare të teatrit. Çdo vit një person i shquar nga teatri shkruan porosi ndërkombëtare në emër të Institutit Ndërkombëtar të Teatrit, që UNESCO e ka formuar në vitin 1948. Ajo përkthehet në më shumë se 20 gjuhë dhe u lexohet spektatorëve para fillimit të shfaqeve në teatro në mbarë botën.


Shënimi i Ditës botërore të teatrit është inicuar në Kongresin e 9-të botëror të Institutit ndërkombëtar teatror - INT të UNESKO-s në qershor të vitit 1961, ndërsa që nga viti në vijim ai shënohet në datën 27 mars - datë kur është hapur sezona e "Teatrit të kombeve" në paris. Sot kjo shënohet në mënyra të ndryshme në pothuajse njëqind qendra të INT-së.

Ngjarjet që organizohen nëpër botë në Ditën botërore të teatrit janë përpjekje për t'u realizuar ato qëllime. Porosia ndërkombëtare përkthehet në më shumë se 20 gjuhë të botës dhe u lexohet shikuesve para shfaqjeve në teatrot nëpër botë. Zhan Kokto është autor i porosisë së parë ndërkombëtare në vitin 1962. 

Lexo më shumë

Edhe veta e parë e njejsit të përemrit vetorë, si Charlie Chapline!

Kam falur gabime të pafalshme, Kam provuar te zëvendesoj persona te pazëvendsueshëm! dhe kam harruar persona te paharrueshem

Kam vepruar sipas momentit, jam zhgenjyer nga persona qe nuk e mendoja kurre se mund te zhgenjehesha, por dhe une kam zhgenjyer.

Kam mbajtur dikë mes krahëve të mi për ta mbrojtur, jam bërë mik perjetë.

Kam qeshur kur nuk ka qenë e nevojshme;

kam dashuruar, më kanë dashuruar, por edhe më kanë refuzuar.

Më kanë dashuruar dhe nuk kam ditur si t’ua kthej dashurinë.

Kam bërtitur dhe jam hedhur përpjete për kaq shumë gëzime, për kaq shumë,,,

Kam përjetuar dashurinë dhe kam bërë premtime të përjetshme, por më është thyer zemra kaq e kaq here!

Kam qarë duke dëgjuar muzikë e duke parë disa fotografi të mbushura me kujtime.

Kam telefonuar thjesht për të dëgjuar një zë. 

Jam dashuruar përsëri me një buzëqeshje.

Kam besuar përsëri me nostalgji dhe...

kam pasur frikë të humbas një person shumë të vecante, (te cilin kam perfunduar duke e humbur)... por kam mbijetuar!

Dhe “jetoj” akoma! Dhe jeta , nuk me lodhë! Dhe ti... nuk duhet të lodhesh nga jeta.

JETO! Eshtë mrekulli të perpiqesh me bindje, të përqafosh jetën dhe ta jetosh me pasion.

Te humbesh me class dhe të fitosh me guxim. Sepse bota i perket atij qe (s’)guxon!

[Charlie Chaplin]

https://www.youtube.com/watch?v=R8duRsxI0s4https://www.youtube.com/watch?v=R8duRsxI0s4

Lexo më shumë

Men UTD në aksion: ofron 17 milion për Lovrenin

Sipas shkrimeve të gazetës angleze “Metro”, Manchester UTD kërkon zëvendësim adekuat për serbin Nemanja Vidic, i cili pas këtij edicioni do të “braktis” qytetin e Manchesterit.

Si zëvendësim ideal të tij, strategu David Moyes e sheh pikërisht anëtarin e Sauthamptonit, Dejan Lovren.

Të vetëdijshëm se janë para sprovave të vështira në Premier League, e poashtu me gjasa minimale. për të mos thënë me gjasa hic fare, që të fitojnë Champions League që do t’u sigurojnte pjesëmarrje të drejtpërdrejtë edicionin e ardhshëm në garat më prestigjioze europiane, gjithashtu koshientë se futbollistët e rangut botërorë më parë do të zgjidhnin një skuadër me më pak reputacion por që do të fintonte një ‘biletë’ për Ligën e Kampionëve, shefat e “Djajëve të kuq”, që tani janë orientur drejt futbollistëve cilësorë që i kanë shënjestruar për afatin kalimtar veror. Njëri nga ta është futbollisti Dejan Lovren.

Mediat kroate poashtu kanë shkruajtur në superlativ për futbollistin e tyre duke I vëne theks të vecantë faktit që Moyes tanimë është i vendosur për këtë transfer për cka thuhet të ketë njoftuar menagjmentin e skuadrës që t’i përgatis 17 milionë euro kesh për kartonin e reprezentuesit kroat Deajan Lovren. Xh.V.

Lexo më shumë

48 vjeqarja Cindy Craëford, më sensuale me 48 se kur kishte 28-të!

Modelja 48-vjeçare, me një kostum banjoje "body", i lë farë pak vend imagjinatës.

Ajo është fytyra e zgjedhur si imazh i "Omega"-s. Mirëpo nga fotot e realizuara për fushatën promovuese të kësaj kompanie, vështirë se ndokush do të fokusojë vë-mendjen te brandi i orëve zvicerane, pos atyre që eventualisht janë në vrap pas kohës humbur!

Për promovimin e koleksionit pranverë/verë 2014, modelja 48-vjeçare vjen më sensuale se kurrë, me një kostum banjoje "body" ku i lë farë pak vend imagjinatës. Sikur të mos mjaftonte kaq, supermodelja shfaqet edhe në poza ku prek trupin (e flokët) duke provokuar skajshmërisht sytën kurreshtar të atyre që u është ndalë apo prishë ora dhe vet koleksinistëve të orëve.

Lexo më shumë