Përfaqësuesja
e Zvicres është pjesë e Kampionatit botërorë të futbollit “Brazil 2014”. Ajo do
të garoj në kuadër të grupit “E” së bashku me Ekuadorin, Francën dhe
Hondurasin.
Zvicra në rangimin e fundit për
muajin mars sipas FIFA-s është klasifikuar në pozitën e tetë, vetëm një pozitë
pas Brazilit që është klasifikuar e shtata, dy më poshtë se Argjentina (6), por
duke lënë prapa kombëtare me nam si Anglia (10), Holanda (15) etj.
Spanja është kryesuese e rangimit
për vite me radhë, pas së cilës janë Gjermania (2), Portugalia (3), Kolumbia
(4) dhe Uruguai (5).
Patjetër që ky është nga sukseset
më të mëdha të përfaqësueses zvicerane të dekadave të fundit, por mbase edhe të
tërë historisë së futbollit të shtetit helvetik.
Këtij suksesi të përfaqësueses
zvicerane i kanë kontribuar në masë të madhe edhe futbollistët shqiptarë që
mbrojnë ngjyrat e saj. Padyshim se më i dalluari në mesin e të dalluarve është
futbollisti me origjinë nga Gjilani, Xherdan Shaqiri.
Shaqiri është shpresa e zviceranëve. Ai është njëri nga pesë
futbollistët e Përfaqësueses së Zvicrës që pritet të shkëlqejë në Botërorin e
Brazilit dhe që meriton të jetë në qendër të vëmendjes së skuadrave të njohura
evropiane.
Ueb-faqja “neësday.com” e ka publikuar listën e
futbollistëve zviceranë që ia vlen të shikohen në Botëror së cilës i prin
pikërisht futbollisti gjilanas.
“Shaqiri mund të jetë në listën e yjeve potencialë të
Botërorit. Me talentin që ka, Shaqiri është ekspozuar. Ai ka forcë e balancë,
dhe mund të krahasohet me Lionel Messin, për nga gjatësia”, shkruan kjo
ueb-faqe.
Përpos tij, në listë janë edhe Gokhan Inler, Fabian Schaer,
Stephan Lichtsteiner e Haris Seferovic.Xh.V.