RRR - Rekordi i rekuizitave të Ronaldos

Nuk mund të kalojë një ditë e vetme e të mos shkruhet apo flitet për mbretin e ditëve tona të sportit më të popullarizuar, futbollit; fituesin e “Topi i Artë” për vitin e kaluar, portugezin, Cristiano Ronaldo.

Arsyet janë nga më të shumta e të marramendëse, por këtë herë Ronaldo është fokusuar për një rekord personal të një natyre krejtësisht ndryshe nga c’jemi mësuar të lexojmë, dëgjojmë apo shohim.

Me vite të tëra ai ka një garë të paimagjinueshme me argjentinasin e Barcelones, Lionel Messi. Ndonjëherë për epitetin e futbollistit më të mirë në botë, herë tjera për numrin e golave të shënuar në këtë apo atë kategori, të tretën herë madje edhe për numrin e paraqitjeve në lojë, për lëndime, për kartona, për simulimet, për kontestime golash dhe arsye tjera nga më të ndryshmet. Por, këtë herë Ronaldo e Messi kanë qenë në focus medial për një arsye tjetër, atë për numrin e fanelave të shitura ku portugezi është i pakrahusueshëm, madje bindshëm i favorizuar.

Sulmuesi i Real Madridit po se po që ka shitur më shumë fanela se Messi, por ai ka shitur më shumë fanela madje se e tërë skuadra e tij Real Madrid, gjithashtu më shumë se të gjithë lojtarët e skuadrës kampione europiane, Bayern Munich, së bashku.

Kështu ka shkruajtur gazeta “Bild” e cila ka hulumtuar këtë dukuri dhe ka nxjerrë konstatimin se portugezi deri më tani ka qenë i pakrahasueshëm, duke shitur 1 milion rekuizita, ndërkohë që skuadra bavareze ka ngecur në 880 mijë fanela të shitura.

Lista:

Real Madrid     1. 4 milionë fanela të shitura,

Barcelona        1.150 000,

Chelsea           910. 000,

Bayern M.       880. 000

Liverpool         810. 000,

Arsenal            800. 000,

Juventus         480. 000,

Inter                 425. 000,

Milan                350. 000.