Bayern voorzichtigheid! Rooney do të luajë!

Europa në ethe futbolli. Tetë skuadra që këtë edicion të Champions League kanë hyrë në cerekfinale, vetëm një ditë gjegjësisht dy ditë para ndeshjeve kthyese janë të heshtura. Asgjë konkrete nga taborret e asnjërës skuadër.  

 

Të gjithë janë të matur në daklarata e prononcime publike. Kjo flet më së miri se sa të kujdesshëm e vetëdijshëm janë, marrë parasysh se cdo deklaratë mund të ketë indikacione fatale në ndeshje të rëndësishme, sic janë ndeshjet kthyese cerekfinale.

Katër takime të mëdha do të nxjerrin katër skuadrat që do të hyjnë në gjysmëfinale, ndërsa katër tjera që do të eliminohen nga garat e mëtejme. Bazuar nga kualitetet aktuale, analistët mund të supozjnë me të drejtë se dy skuadra janë mjaft të favorizuara nga takimet e para, ndërkohë që në dy ndeshje tjera vështirë është të parashikohen fituesi.

Në fakt asgjë nuk mund të thuhet me saktësi, pasi befasitë qgjithmon janë të mundshme në futbool, por bazuar në kualitetet dhe rezultatet nga ndeshjet e para, e marta duket të jetë ditë më e parashikueshme nga c’mund të thuhet për një ditë më pas, të merkuren.

E martë:

Borusia Dortmund – Real Madrid       (0 : 3)

Chelsea – Paris Saint Germain                      (1 : 3)

Skuadrat udhëtuese, Real Madrid dhe Paris Saint Germain do t’u hyjnë sfidave cerekfinale me një përparsi të theksuar. Derisa ndeshja që zhvillohet në Dortmund mund të konsiderohet punë e kryer duke pas parasysh se skuadra mbretërore, Real Madrid ka një përparsi të madhe prej 3 golash, një gjë e tillë nuk mund të thuhet edhe për skuadrën parisiene e cila duhet të jetë mjaft vigjilente për të ruajtur epërsinë prej dy golash. Kjo pasi Chelsea ka shënuar një gol si mysafirë dhe rezultati eventual prej 2 : 0 do ta eliminonte skuadrën PSG-në.

E merkurë:

Atletiko Madrid – Barcelona                1 : 1

Bayern Munich – Manchester United 1 : 1

Për dallim nga ndeshjet e nesërme, pasnesër do të jetë një realitet krejtësisht tjetër dhe fare i paparishikueshëm. Megjithëse Barcelona vetëm ka barazuar në ndeshjen e parë në shtëpi ndaj Atletico Madrid, duke pas parasysh kualitetet e kësaj skuadre, e cila për vite me radhë ka dominuar futbollin spanjoll dhe atë europian, pritet së paku në letër të jetë favorite, ndonëse do ta ketë shumë të vështirë pasi do të përballet me një skuadër e cila këtë vit ka pas performancë të jashtëzakonshme, si në La Liga, poashtu edhe në Champions League.

Ndeshja tjetër e mbrëmjes së merkurës që zhvillohet në “Bay Arena” të Munihut, në shiqim të parë duket më e qartë sa i përket fituesit por edhe aty, tani për tani asgjë nuk mund të thuhet me saktësi pasi skuadra bavareze ka disa lojtarë nga përbërja standarde që janë të lënduar e të cilët vështirë se mund të aktivizohen, ndërkohë që lajmi i fundit që vjen nga taborri i “Djajve të kuq” aspak nuk duket t’i  pëlqejë strategut, Pep Guardiola. Në fakt mësohet se futbollisti më produktiv i viteve të fundit në repartin ofansiv të Manchester UTD, Wayne Rooney, i cili kishte pësuar një lëndim javën e kaluar, duket se do të jetë i gatshëm të paraqitet e që rrjedhimisht do të përbënte një rrezik permanent në mbrojtjen e Bayernit,Xh.V.