Spanja, Anglia, Gjermania, … jo
Italia por Portugalia, pastaj Italia. Kështu duket radhitja më e fundit e
UEFA-s.
Barazimi i mbrëmshëm gjegjësisht
eliminimi i Juventus-it nga Benfika, përpos që ka shkaktuar një ‘shok
traumatologjik’ në taborrin e Torinezëve ka luhatur skajshmërisht edhe vet
prestigjin e futbollin italian në përgjithësi. Eliminimi në gjysmëfinale të
Europa League të skuadrës aktualisht më cilësore azure ka ndikuar drejtpërdrejt
në rënien për një pozitë, nga e katërta në të pestë, të futbollit Italian në
listën e UEFA-s.
Një gjë e tillë nuk ka ndodhur që nga viti 1984, mirëpo
italianëve nuk iu rrezikohet numri i skuadrave në Champions League dhe në
Europa League. Portugalia ka arritur të jetë më lartë në listën e UEFA-s, teksa
Italia ka rënë në vendin e 5. Nëse skuadra e Benficas arrin të fitojë Europa
Leaguen atëherë, diferenca ndërmjet dy kampionateve, të Portugalisë dhe Italisë
do të ngushtohej edhe më shumë. Nëse ekipet Italiane vazhdojnë të kenë
paraqitje të dobëta sikurse në këtë sezon, atëherë në të ardhmen do të
rrezikoheshin nga Rusia dhe Franca. Kjo flet më së miri se e ardhmja e
futbollit europian duket e paqartë, pavarsisht se për dekada me radhë ka qenë e
dominuar plotësisht, kryesisht nga skuadrat e vendeve më të zhvilluara
ekonomikisht të kontinentit tonë.Xh.V.
0 comments:
Post a Comment