Di Maria kundër Topit të Artë

Një yll që zakonisht ka shëndrit te Real Madridit, por i cili  poashtu, zakonisht ka qenë ‘nën hijen’ e shkëlqimit të yjeve tjerë “cikompolarë”, futbollisti argjentinas,  Anhel di Maria, ka  shfaqur pakënaqësinë e tij për përzgjedhjen e futbollistëve më të mirë në botë, ku është injoruar së fundmi skajshmërisht.

Futbollisti i Real Madrid-it, me të cilën është identifikuar, dhe në shenjë të të cilit ka kaluar ndeshja finale e Champions League, duke e vlerësuar madje me pothuajse notën maximale (9.5) që do të ishte një satisfaksion i vecantë për të dhe admiruesit e lojës së tij, në një deklaratë të cilësuar bombastike ka kontestuar përzgjedhjen e grupit të futbollistëve  në konkurrencë për “Topin e Artë”.

“Reprezentuesi argjentinas përpos që u zgjodhë futbollisti më i mirë i finales së Ligës së Kampionëve kundër Atletico Madrid-it,  javën e kaluar, ka mundësi që t’ua mbyllë gojën skeptikëve në botërorin e radhës me skuadrën përfaqësuese të Argjentines, e cila trajtohet si një nga kandidatet kryesore për trofeun më të cmuar të futbollit botërorë, Kupën e Botës.

Megjithatë ai vazhdon të  mbetet i injoruar në garë për çmime të rëndësishme individuale.

“Nuk e di se kush e përpilon listën për Topin e Artë. Nuk kam qenë në mesin e dhjetë, madje as në mesin e 50 më të mirëve”, ka thënë Di Maria për  ueb-faqen e së përditshmes argjentinase “Ole”.

“Megjithatë, duhet të vazhdoj të punoj në mënyrë që të bëhem më i miri. Ka shumë futbollistë që janë duke luajtur mirë, por mendoj se kam kaluar një sezon të vlerësuar, madje më të mirin me Real Madrid-in; kam fituar finalen dhe jam shpallur futbollisti më i mirë i ndeshjes; po ashtu edhe me Kombëtaren kam kaluar një vit të mirë. Shpresoj që në fund të jetë gjithçka në ok.”, ka deklaruar argjentinasi i dëshmuar se është sinonim I futbollistuit cilësor që do përkrahje e besim dhe se kur ka atë besim, ka qenë shembulli më tipik se nga ai nuk mund të pritet zhgënjim ./Kult-Infoi.Xh.V.