“Mbretërve” u dridhen duartë. Për vetëm disa ditë lëshojnë adutin nga dora

Real Madrid sërish befason.Këtë herë për të keq! Skuadra mbretërore papritmus gjendet në situatë aspak të volitshme në La Liga,. Ajo sonte ka marrë një goditje të fuqishme, e të papritur për t’u “plandosur përtokë”, në garë për titull të kampionit në La Liga.

Los Blancos u mposhtën në udhëtim te Sevilla me rezultat 2:1 dhe kanë rënë në pozitën e tretë në tabelë. Cristiano Ronaldo ka kaluar Realin në epërsi në minutën e 14-të. Por, Sevilla ka barazuar vetëm pesë minuta më vonë përmes Carlos Bacca. I njëjti futbollist ka shënuar për t’i siguruar fitoren Sevillas në minutën 75-të, dhe për të gjunjëzuar Realin befasisht!

Humbjen e Realit e ka shfrytëzuar Atletico Madrid duke mposhtue Granadan (1:0), me golin e vetëm të shënuar nga Diego Costas, për të bërë një hap të madh drejt kreut të tabelës me një pikë më shumë se Barcelona që aktualisht është e dyta.

Me këtë humbje Reali ia ka vështirsuar vetes skajshmërisht punët për titulin e kampionit. Dy xhiro më parë “Mbretërit” kishin të gjitha adutet në dorën e tyre, por humbja e javës kaluar nga Barcelona dhe kjo e sontmja nga Sevila e kanë sjellë Realin në pozitë tejet të palakmueshme.

Xh.V.