Barbara

Zhak Preverc

A të kujtohet Barbara
në Brest atë ditë binte shi pa pra
ti ecje plot hijeshi
hurdhiq e kënaqur e lumtur
nëpër shi

Kujtohu Barbara
në Brest binte shi pa pra
u takuam në rrugën e Siamit
ti qeshje ëmbël pra

Edhe unë qeshja plot shend
fol Barbara
a nuk mban mend

Nuk të njihja unë
nuk me njihje ti
kujtohu Barbara
binte shi

Atë ditë
mos harro
një njeri të rrugës në një kënd
Barbaraaaaaaaaaaaa
të thirrte me emrin tënd

Ti vrapove kah ai me nxitim
nëpër shi
hurdhiq e kënaqur e lumtur
a të kujtohet Barbara
iu hudhe në përqafim

Në mua mos u hidhëro
pse të drejtohem vetëm me ti
me ti i thërras ata që zemra m`i do
edhe nëse i kam parë vetëm njëherë
edhe nëse mirë nuk i njoh

Mbaje mend Barbara
pra mos harro
atë shi fatlum dhe të qetë
në fytyren tënde nur
në atë qytet të lumtur
atë shi mbi det

Oh Barbara
lufta çfarë marri
ku je tani
në atë rrebesh plumbash
zjarri gjaku
edhe ai që të përqafonte
me afsh dhe dashuri
a ka vdekur vallë
apo është ende i gjallë

Oh Barbara
në Brest binte shi pa pra
si binte dikur
por çdo gjë ndryshoi
ky është shi zije mbi qivur

Mbaje mend Barbara
kjo nuk është lubi
e pinjalit të çelnikët dhe gjakut
kjo na vjen nga retë
që ngordhin si qent`
në ujët e Brestit të qetë
dhe do të kalben diku
nga Bresti larg shumë
nga ato s`do mbesë gjë as në shkumë.