Hasi debuton me fitore të thellë si trajner

Se çdo ditë e më shumë kualitetet e sportistëve shqiptarë nëpër europë po konkretizohen me rezultate solide, vecmas në futboll si sporti më i popullarizuar, këtë e kanë dëshmuar viteve të fundit dhe po vazhdojnë të dëshmojnë shumë futbollistë cilësorë që po debutojnë në fushën e gjelbërt nëpër skuadra të mëdha. Një gjë ë tillë sot e ka dëshmuar edhe Besnik Hasi, dikur si futbollist, tani si i pari i bankinës së skuadrës më me renome në Belgjikë, Anderleht.

Ai sot ka debutuar me skuadrën Belge në cilësinë e trajnerit, në ndeshjen kampionale kundër Oestende-s me ç’rast skuadra e tij ka shënuar fitore të thellë 4 : 0.

Karriera e Hasit te ekipi mbretëror Belg, ka filluar në cilësinë e futbollistit duke mbrojtur ngjyrat e saj plotë shtatë vite, ndërkohë që gjashtë vite të tjera ka vazhduar si ndihmës trajner me ç’rast angazhimi i tij në krye të bankinës është përkrahur unanimisht nga bordi skuadrës, tifozëria si dhe yjet e njohura që dikur kanë qenë pjesë e kësaj skuadre të madhe Belge e që gëzojnë një prestigj e reputacion. Madje, për të përkrahur moralisht debutimin e Hasit si udhëheqës i shtabit teknik, ka udhëtuar në Bruksel edhe kapiteni i Manchester City, Vicent Kompany të cilin Hasi e kishte ndihmuar derisa dikur bënte hapat e parë si futbollist profesionist te Anderleht.