Ferguson gjen angazhman të ri!

Ish strategu i bankinës së Manchester Unitedit është emëruar ligjërues në Universitetin e Harvardit dhe mësohet se është shumë i kënaqur me punën e re për të cilën ka pranuar se po i pëlqen… .

Shefi i shtabit teknik të Manchester Unitedit, për shumë vite me radhë, Sir Alex Ferguson do të sprovojë veten se sa i suksesshëm është në cilësinë e ligjëruesit, madje në njërin nga universitetet më prestigjioze, atë të Harvardit.

Skocezi 72-vjeç, i cili është përshëndetur nag aventurat e shkëlqyera të futbollit duke i dhënë fund vitin e kaluar, pas plotë 26 vite me radhë, sa ka qëndruar në “Old Trafford”, do të vijoj që të shkëmbej njohuritë e tij si akademik në programin e ri të titulluar ‘The Business of Entertainment, Media and Sports’.

“Jam i lumtur që më është ofruar mundësia dhe ndihem i privilegjua që kontribuoj në një qendër kaq të respektuar të shkëlqesisë”, ka deklaruar Ferguson, i cili fitoi 13 tituj në ligë gjatë kohës sa drejtonte timonin e Manchester United.

“Koha që kam kaluar deri më tani në Harvard ka qenë përvojë stimuluese dhe mezi pres të vazhdoj zhvillimin e mëtutjeshëm”, ka thënë Ferguson I cili sipas marrëveshjes me drejtuesit e këtij institucioni respektabil, do të fillojë pozitën e re në muajin e ardhshëm.Xh.V.