Jose Mourinho: Anglia do ta fitoj Botërorin

Jose Mourinho, menaxheri i Chelsea, është i bindur se përfaqësuesja e Anglisë ka gjasa ta fitoj Kampionatin botëror.

Përfaqësuesja e Anglisë anglezë bënë pjesë në grupin e ferrit, në Botërorin 2014, së bashku me Italinë, Uruguain dhe Costa Rica

Por, Jose Mourinho, menaxheri i Chelsea, është i bindur se përfaqësuesja e drejtuar nga Rou Hodgson ka mundësi për të fituar Kampionatin botëror.

“Të gjithë thonë që Anglia nuk ka asnjë shans për të fituar Botërorin por unë mendoj të kundërtën. Kur shoh lojtarët e kombëtares angleze dhe klubet ku ata luajnë, më duket më se e mundshme që ata të triumfojnë në Brazil”, ka thënë Mourinho.

“Ata luajnë në klubet më të mira në Botë, luajnë në Champions League që është një nga kompeticionet më të rëndësishme, dhe duke e parë në këtë pikëpamje, Anglia ka po aq shanse sa kombëtaret e tjera të mëdha për të triumfuar në Kupën e Botës”, ka thënë ai.